تخلصي من سمنة الفخذ الداخلي واحصلي على جسم باربي !

19
Want create site? Find Free WordPress Themes and plugins.

hh

هوس الجسم المثالي مزروع بكل بنت وبدون ماتحس من طفولتها, أتوقع كل وحدة فينا كانت تملك لعبة باربي وتشوف رشاقتها وشعرها الأشقر الطويل الناعم, لا زلت أذكر لمن فكرت أكسر تلفزيون البيت عشان أدخل جواته وأصير بدل [فيوليتا حبيبة زورو ].. ههههههههه كنت أشوفها أجمل بنت بالوجود !! دقيقة خل أوريكم ملكة الجمال حقتي

Zorro3-500x500

وطبعاً الحمدلله أخوي كان برضو يبي يصير الكابتن ماجد فكسر لي التلفزيون وصدمة عمري أنه من جوا كان أسلاك بس ومافي هذاك العالم اللي حلمت فيه , طبعاً فيه ناس وصل فيهم الهوس أنهم يحولون نفسهم لألعاب حية !! خلونا نشوف .., 

d82cc17cc291ef5eea50c632a7cdca89 real-life-barbie-2

هذي البنت قررت تحول نفسها لباربي حقيقية , أجرت عملية تجميل وحدة , وسر جسمها المثالي هي أنها ما تاكل أبد ومعتمدة على السوائل بس !! يعني رجيمها سوائل فقط, وهالشي مو بس عند البنات إنما نشوف الهوس تعدى أكثر و أكثر حتى عند الرجال !! خلوني أوريكم

Human-Ken-Doll-Justin-Jedlica-Has-128-Plastic-Surgeries-Isn-t-Even-Close-to-Done-398489-2 PIC-2-REAL-LIFE

 

هالولد بدا عمليات تجميل من لما كان عمره 17 سنة , أجرى ما يقارب ال150 عملية تجميل عشان يصير زي ken  حبيب باربي !! , تدرون أنه أول شخص بالعالم يسوي سيلكون بأكتافه ؟؟ كل هالعضلات اللي تشوفونها سيلكون مش حقيقية !! و الآن قاعد يخطط يكون أول شخص يسوي سكس باك لبطنه بالسيلكون !! ( يعني عجزان تسوي رياضة لبطنك كل شي تبيه سيلكون !!) , واللي يضحك بالموضوع أنه لمن قابل البنت اللي عايشة دور أنها باربي فوق , سجبت عليه باللقاء وسخرت منه كثير , وقالت له أنه رجل بلاستيك و أنها هي الطبيعية .. هههههههههههههه ماعلينا , ليش اخترت ابدا موضوعي عن هالاثنين ؟ لأنهم ضحايا الهوس بالجسم والشكل المثالي لكنهم ما سعو له صح كلنا نعرف انه جسم باربي مثال للجسم الأنيق الرشيق الأنثوي , لكن بقولك أنه تقدرين تصيرين باربي بدون عمليات تجميل !! بدون رجيم قاسي !! .. بالرياضة تقدرين تصيرين زي هالبنت [ مو تاكلون مفاطيح وتقولون مافادتني الرياضة !! وازني أكلك من حيث الكمية ومن حيث وش نوع أكلك يعني تاكلين 50 لقمة صحية أحسن من 10 مليانة دهون ! ]..

وش يميز جسم باربي ؟ 

bodytypes

اللعبة باربي صنعت بأجسام مختلفة [ الساعة الرملية الكمثرى المثلث المقلوب و المسطرة], لكن بكل الأجسام على اختلافها يميزها الفتحة بين الفخذين { الفخذ الداخلي مشدود}

مافي تلاصق بين الفخذين ولا احتكاك , وهالتلاصق هو اللي يسبب ترهل وسيلوليت للمنطقة , ومن المعروف أنها أكثر منطقة بالجسم معرضة للترهل وهذا غير السواد اللي يسببه الاحتكاك !! , بالطب الحديث اقترحو أنهم يسوون عمليات تجميل يشيلون فيها المنقطة اللي بين الفخذين ويستفيدون منها بمكان ثاني !! زي أيش ؟؟ زي الصدر مثلا ً !! وبكذا يكونون ضربو عصفورين بحجر واحد يعني شالو اللي بين الفخذ وكبرو فيه الصدر [ طبعاً أغلب اللي يسوونها هم اللي عندهم سرطان الثدي وشالو صدرهم بالتالي يجملون لهم الصدر من الفخذ ]..,طبعاً في بنات يسوونها مب عشان عندهم سرطان لكن بدل ماتحط سيلكون بصدرها تحط شي من جسمها احسن !! ..,

 9-10-12_16-56-58_5 breastreconstr-profile-1c

كيف يكون عندي فراغ بين فخوذي واتخلص من احتكاك الفخذيين ببعض ؟ 

أول شي لازم أقولك أنه سعة الحوض تختلف من بنت لبنت بعضهم عندها  عظم الورك كبير بالتالي فخوذها بعيدة عن بعض خلقة من الله , مو معناته اذا انتي مو طبيعي فيك ماتقدرين تتخلصين منه لا .. لكن أقولك أنه في بنات طبيعي عندهم مو شطارة منها ولا تسوي رياضة لكن خلقتها كذا , وبرضو الوزن يفرق !! مثال : وحدة تعاني من زيادة وزن وتقول ليش فخوذي تحك ف بعض !! وتسوي التمارين وتقول مافادتني بقولها انحفي شوي [ ما اقولك صيري عود عشان تبان لكن خلي وزنك مثالي يعني وزنك مناسب طولك ] , أذكر مرة سألتني بنت قالت كم وزنك ؟ 

قلت : 57

قالت: يوووه يعني أنا انحف منك أنا 54 !! 

قلت لها كم طولك ؟

قالت : 153

قلت لها طولي : 167 !!! 

يعني كيف تقارنيين وزنك بوزني وطولنا مختلف !! يعني أنا أبين أنحف منها !! ههههههههه , ماعلينا , يعني عشان يكون عندك فخوذ جميلة وزنك لازم يناسب طولك يعني جسمك مثالي , واكيد تسوين رياضة الفخذ الاخلي , وراح احطها لكم تحت ..

رياضات شد الفخذ الداخلي : 

بحط لكم فديو فيه 10 تمارين للفخذ الداخلي , كل تمرين مدته 45 ثانية وبين كل تمرين وتمرين 10 ثواني راحة .. مو شرط من أول مرة تسوين كل التمارين شوي شوي لين تقدرين لاتشدين على نفسك واهم شي لاتنسين تسوين احماء قبل التمارين { مثل : كارديو , زومبا, رقص, ركض , مشي , هرولة , هوائي } .., كل اللي تحتاجينه بهالتمرين هو : مات (سجادة رياضة + كورة رياضية ).. شغلي المقطع واشتغلي معاه ..

وبكذا يكون البوست خلص اتمنى يكون مفيد واشوفكم بتدوينات جاية 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

Did you find apk for android? You can find new Free Android Games and apps.

Discussion19 Comments

  1. يعطيكي الف عافيه اخت عجايب بسالك انا ماعندي كوره ينفع بلاها وكمان انا وزني ٧٢ وطولي ١٦٤ اذا وصلت لوزن اقل من ٦٤ بكيلو او اثنين يصير في تباعد بين فخوذي صراحه هذي امنيتي انهم يتباعدون

  2. يسعدددلي قلبك ياجميله ..
    مرااا جمميل يكون شكل الافخاذ لما ماتكون متلاصقه بعدد مزدت وزني بديت تتلاصق وان شاءالله انتبهلهاا واستمرر عالتمرين،، دمتي بخيرر ياجممميله .

  3. عجايب حبيبتي انا اسوي سكوات بالاثقال وحقت الورك فحسيت طلعلي زي الغمازتين بنص المؤخره من الجوانب ! زي العضله النائمه وكمان فيها سيلويلت ايش الحل ؟ ابيها مشدوده ! ويعطيك العافيه حبيبتي

  4. عجايب بليز نبي جدول غذائي صحي للي تبي تسمن ! انا طولي ١٥٩ و وزني ف الاربعينات. ! تهقين كم الوزن اللي المفروض اوصل له

  5. أمانه وش هالهوس فيهم !
    صراحه أوّل مره أشوفهم هالأثنين هههههه
    مجانين والله!
    ماعلينا
    وزنك وطولك بيرفكت بالنسبه لي
    وجد ت

  6. حلو لكنه صعب شوي يبيله تدريب و ما اظن ابدا فيه الحين لان وزني ٩٥ اخفف اول و بعدها إن شــــاء الله ابدا .. تنصحيني وزن كم ابدا فيها عجوبه ؟؟

  7. السلام عليكم ..
    مشكورة على معلوماتك المفيدة من خلال المدونة والإنستقرام حبيت اسألك عن قناة في اليوتيوب لوحدة اجنبية تسوي رياضة تكلمتي عنها في الإنستقرام (اذا ماني مخربطة) تسوي الرياضة في نص ساعة متواصلة على ما اعتقد ؟!
    او اي قناة في اليوتيوب للرياضة ممكن نستفيد منها بالبيت ونطبقها ..
    وجزاك الله خير

    • ماشاء الله عليك انا طولي نفس طولك لكن وزني ٧٢وعلى عالطول يعتبر وزني طبيعي لكن الفخوذ عندي مشكله صدق ان شاء اتمرن نفس هالتمارين

  8. سلام عليكم

    بالنسبة لرياضه الفخذ الداخلي تكون ف يوم الي ناخذ فيه البروتين او اليوم الي بعده

  9. يا زينك مدونتك تجنن و مررة رهيبة أنا من اليوم أن شاء الله بتابعك وشكرا على هال النصايح الحلوة

  10. لديك 3 اسئلة اجب ع احداهن :
    آ_ بعد الانتها من تمرين السكوات هل صحيح يجب عدم الجلوس لمدة نصف ساعه حتى لا تتشكل العضلات وتنبني بشكل خطآ ؟
    ب_ مارآيك في من تعمل سكوات لكن من ضمن الوجبات الرئيسيه تاكل كبسة رز ، والسكوات تقسمه ع اربع جولات كل جوله 8 مرات ؟
    ج_ هل بالامكان عمل تمارين السكوات تكبير ورفع وتمارين الخفسه في ٱن واحد ومن ثم اكل البروتين

  11. السلام عليكم
    ممكن اتواصل معاكي خاص واتس
    ضروري مشكلتي مشكله والله
    تكفين يامدربة. لياسنة اتمرن

Leave A Reply