سر بياض الممثلات الكوريات !!

17
Want create site? Find Free WordPress Themes and plugins.
IMG_0756
مرحبا.. 

اليوم بتكلم عن شغلتين عجبوني بالفترة الأخيرة واعتمدتهم بالمناسبات (لاحظو إني أقول بالمناسبات لأنه شي تجميلي مو علاجي  ) يعني الكريم اللي بتكلم ماتحطين منه بشكل يومي لا , ليه ؟ مو لأنه بيضرك لو حطيتي منه يومياً لكنه ماراح يفيدك !  يعني هو مو مبيض علاجي لا هو مبيض تجميلي لكنه ممتاز جداً , وش معنى تجميلي يعني مايتغلغل جوا البشرة لا , يبقى على سطح الجلد ويكون له لون ( المنتج كوري) ومثل مانعرف عن المنتجات الكورية إنها تجميلة وليست علاجية ورخيصة جداً لهالسبب , تشوفون الممثلات الكوريات يميلون للبياض الناااااصع ومكياج خفيف هذي هي ثقافتهم يعني الاهتمام بشكل وصحة البشرة أمر مهم بالنسبة لهم لذلك صنعو مثل هالمنتجات , طبعاً هم أول يمكن و أكثر من برع بالمنتجات التجميلية اللي تترك لون مثل أقنعة الشفايف بحيث تحطين قناع على شفايفك وتشيلينه ويترك لون على شفايفك يقعد من يوم ليومين , وله ألوان متعددة مثل الفوشي الأحمر الزهري البرتقالي , طيب منتج اليوم شريته من فترة وحبيته جداً فقلت ليش ما اشرككم هالمنتج , وخصووووصاً إني أشوف نساء من بناتنا بوقت المناسبة تحط مكياج على يدينها .. عشان تخليها بيضا بس وش اللي يصير ؟؟ اليدين تتبقع من كثر اللمس وتصير اليد لون والذراع لون !! .. لذلك هالمنتج بيكون حل ممتااااز لهم بديل عن المكياج ..يمكن بهالصورة باين الفرق بين لون وبشرة الممثلة , ما أقول أنهم مو بيض , لكن يزيدون بياضهم بالمنتجات اللي زي كذا .

العيوب والمميزات :

IMG_0759

هذي صورة الكريم , المميزات إنه ينشف بثواني وصعب يروح بسهولة يعني يبقى طول المناسبة ,, ولايبقع زي كريم الأساس وحتى إني كم مرة غسلت يدي ولا راح … طبعاً ماغسلتها ونشفتها بمنشفة بشكل قوي لا مجرد تجفيف خفيف , وجربت بعض الأحيان ما أحطه لحاله لكن أخلط معه شوي من مرطب يديني أعطى تبييض أخف وطبيعي جداً , لكن العيوب هو أن التاجرات يوفرونه مو متوفر عندنا أنا شريته من بازار جايين فيه كم تاجرة من انستقرام بأحد المولات , قيمته ب 100 رياتل لكن بالنسبة لحجمه اعتقد أن سعره مناسب مرة + مافيه منه درجات لونه أبيض أبيض مايمزح , لذلك اللي سمرتها غامقة ممكن يقلبها على رمادي.

من وين تحصلون عليه ؟ ابحثو عند التاجرات بانستقرام لكن أنا شفته كثيييير وخصوصاً عند التاجرات اللي يوفرون منتجات كورية ولو اعرف حساب معين كنت قلت لكم عنه .

تجربتي بالصور

اليدين كلها لنفس البنت يد حطيت فيها الكريم ويد لا ,  و أحلف أنها غير معدله بأي برنامج يغير اللون .

IMG_0757 IMG_0758

أتمنى يكون البوست عجبكم وحبيتوه واكتبو لي رايكم تحت واشوفكم ببوستات جاية .. حبو بعض

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

Did you find apk for android? You can find new Free Android Games and apps.

Discussion17 Comments

  1. جميل بصراحة مثل ماقلتي لوقت المناسبات او حتى اذا طفشتي من التان او توازنين بين لونك البنت اللي بالصورة اول ماشفتها عبالي مسوية تان بس طلع لونها الحقيقي جميييل ماشاءالله .. تسلميين عالمجهوود

  2. إنتِ جبتي المُنتج الصاروخ ، أحسه ينفع للعرايس !! بدل مظهر الجبس
    أو للمُناسبات وَ ما يحتاج تحلفين ، أنتِ عَجايب وَ عالمك عالم المَصداقية وَ التوثيق ..

    بَصراحة اللون عجيب شكله حَقيقي بس ضبط لأن المُوديل فاتحة ، وَ لون المناكير يَشووووووق ..

    عاد أنا مَقصرة جداً بُمدونتك ، بَس بيكون لي لَمسة واضحة بإذن الله ..
    نرجع للمُنتج وَ الله هالكوريين عَجيبين فهمت ليش الكل دايخ عَندهم ، وَبس أخلص المسلسل إللي أتابعه وَ بتابع مسلسلك نبي شيء يفرفح قَلوبنا هالأيام ..

    أحبك

  3. جميل جدا لكن الموضوع اللي وعدتينا فيه عن البروتين نحتاجو

  4. يعطيك العافية عجايب
    حمستيني اجرب
    واللي يبي يطلب هذي وسيطة للمواقع وعولتها بسيطة اعتقد 30 او 20 ريال
    تعاملت معها قبل في طلب منتجات كورية من ويشترند
    حسابها @i__i3

  5. بارك الله فيك على الاشياء الروعه والمجربه ولا يوجد شيء افضل من التجربه
    نشكرك من كل قلبنا وان شاءالله بشتري واخبركم عنه دمتي بألف خير

  6. بنات الرياض بتلاقونه بالبطحا بالاسواق اللي جمب مبنى الساعه وسعره ٦٠ بس

Leave A Reply