ترتيبي لشنطة الجامعة واللوكر

11
Want create site? Find Free WordPress Themes and plugins.
صباح / مساء النشاط والأمل
مع بداية آخر ترم لي بالجامعة حبيت أشارك كل طالبة مستجدة بعض خطواتي بتنظيم شنطتي الجامعية و اللوكر , اللي هو الخزانة الجامعية , بجامعتي الخزانات بالايجار كل سنة تستأجرين لوكر أو كل ترم تستأجرين, اللوكرات تجي بأحجام مختلفة حسب رغبتك ,, أنا دايماً أستأجر الحجم الصغير .. الحين بوريكم كيف أقسم الأغراض اللي تبقى باللوكر والأغراض اللي أشيلها بالشنطة ,, أغراضي كثييييييرررة لذلك بحاول اختصرها قد ما اقدر لأني انسانة أحسب حساب كل شي ممكن احتاجه لذلك شنطتي دايما متعبة وثقيلة .. بس خلال السنوات تنظمت كثييييررر فحبيت أشارككم تجربتي …
garderobeskabe
اللوكر الجامعي الحجم الصغير

اللوكر اللي بالصورة هو لوكر جامعة كامبرج لكن حطيت صورته لأنه أقرب شي ل لوكرات جامعتي [جامعة الملك سعود].., زي ما انتو شايفين الحجم صغير وعلى قد احتياجي لكن في حال كان تخصصك يطلب منك حمل أشياء كبيرة مثل لوح وغيره خذي الحجم الكبير أفضل لك .. [لوكرات جامعتنا تفتح برقم سري ونصيحة لو قدرتي تبتعدين عن الرقم السري أفضل لأن تعليقاته كثير ولازم تدقين على الدعم الفني كل شوي وصداع ].. 

الحين بقسم الأغراض بين أغراض تقعد باللوكر يعني تجيبينها معك بأول يوم وتاخذينها بآخر يوم .. و أغراض بشنطتك الجامعية .., 

أشياء تقعد باللوكر : 

IMG_2166

من أهم الأشياء بالنسبة لي هي هذي اللي بالصورة , أول شي ببدا بالفوط الصحية أو النسائية , لااازم تكون باللوكر لأن بأي لحظة ممكن تحتاجينها حتى لو تعرفين وقت دورتك يمكن بوقت الدورة تنسين انهموعدها قرب وتتورطين اذا طلعتي وشرفت ,  أو حتى ممكن تنسين تجيبين معك غيار اثناء الدورة بالتالي يكون فيه عندك باك اب ترجعين له بدل ماتقعدين بنفس الفوطة كل اليوم ! , طيب والكالوت الداخلي ليه ؟ لأني من قليلات الحظ اللي دايما تجيهم الدورة وهم طالعين و أقرف أقرف جداً أنه تجيني الدورة ويتوسخ الكالوت اللي أكون لابسته لأن بهالحالة بتضطرين تلبسين الفوطة على ملابس مو نظيفة على بال ماترجعين البيت وكذا .. لذلك خليك مستعدة للدورة دايماً ولاتنسد نفسك وانتي برا الين ماترجعين … برضو بالصورة فيه زي الباكيت أزرق هذا طلبته من أمازون زمان فكرتها زي المناديل المعطرة لكن هذي تستخدم لتنظيف البقع في حال انكب عليك شي وبقع لك بتحتاجينها ( والمناديل المبللة تأدي نفس دورها) ., آخر شي وهو الغريب شوي على الكثير وهو لبس الرياضة .. جامعتي فيها نادي رياضي وممنوع تدخلين النادي بالتنورة الجامعية لذلك أخلي لبس نظيف احتياط في حال صار عندي بريك طويل أو وقت فاضي أروح أتدرب واغير جو .

PicsArt_1440803063802

برضو من أساسيات اللوكر بالنسبة لي هو واقي الشمس وبالمناسبة كثير يقولون لي وش نوع الواقي حقك؟ أنا بشرتي دهنية يمكن انتي جافة يمكن مختلطة .. ماعرف أنا عشان أقولك لذلك بعطيك هالمعلومة وانتي اعرفي تختارين لنفسك .. بعض البنات تقول الواقي يقطع على وجهي وبعضهم يسيح و بعضهم جفف بشرتها و و و و .. لذلك اعرفي انه قوام الواقي يختلف فيه كريمي وفيه جل .. صاحبات البشرة الدهنية زيي أببببد مايصلح لهم الكريمي لازم جل ولابيسيح علينا أو يتقطع أما الجافة يناسبها الكريمي لانه يحتوي على دهن بالتالي بيضبط على بشرتها الجافة وهكذا .. أنا الصباح اطلع بدري الدوام وغالبا انسى احط الواقي او اكون مستعجلة ف اخلي نسخة منه باللوكر في حال نسيت أحط .. وكذلك مزيل العرق لأني غالبا أتروش الصباح ف احتياطا احط مزيل عرق باللوكر وبرضو لاني اتدرب بالجامعة .. أما مثبت الشعر مايحتاج أقولكم ليه نحتاجه علماً أنه مو ضروري بالنسبة لي لكن احيان اكون مجعدة شعري ويوم اوصل الجامعة يكون خف التجعيد أو هبط لذلك احتاجه لتعديلات بسيطة .. القهوة .. مو شرط تاخذين قهوة خذي اللي تحبين حتى لو سناك أو بسكوت معين أنا أحب القهوة العربية ودايماً ألاقيها مخلصة ف أجيب معي بكتتات أربيانا عشان اسويها متى ما اشتهيتها .. لالبنس والربطات لاغنى لكل فتاة عنها طبيعي أكون ماخذة احتياطي منهم .. وخصوصاً مع جونا ماتدرين متى تقفل معك وتبين ترفعين شعرك هههه … آخر شي هو قطرات عيوني أنا عندي جفاف بالعين لذلك احتاج مرطبات خصوصا اني كنت ألبس عدسات طبية ومع كثرة اللبس صار عندي جفاف فلو انتي تلبسين عدسات طبية احسبي حساب عيونك .

أشياء تقعد بالشنطة :

Phonto

الشنطة وما أدراك ما الشنطة بهذي الفقرة بسطت الموضوع بدل ما أطوله وادخل بتفاصيلي , لذلك بعطيكم الطريقة حقتي وانتو عليكم تعبئة الأغراض ..,لأن لو بوريكم ايش داخل كل شنطة ماراح نخلص ..,  شنطتي أساااسي يكون فيها 3 شنط صغيرة مقسمتها كالتالي :

شنطة أدوات الأجهزة :

هالشنطة أحط فيها كل شي إلكتروني زي :

  • شاحن جوالي
  • شاحن التابلت
  • جهاز الواي فاي
  • سماعاتي
  • فلاش ميموري
  • الشاحن المنتقل ( دوامي طويل والمشوار لبيتي طويل فحاسبة حساب الطريق مابي اقعد بدون جوال ههههه ) .

شنطة الميك آب :

بهذ الشنطة أحط مكياجي اليومي تكون اشياء خفيفة وبين كل فترة انزل اللي فيها و أحط منتجات غير بكذا اغير بلوكاتي وبرضو ما استهلك شي من المنتجات وأعلق عليه والباقي جديد.

حافظة الاكسسوار :

هالشي السعنون هي المنقذ حقي لأني بالطريق للبيت أنزل كل شي حتى شعري أفتحه اصير بس ادخل البيت أبدل ملابسي يعني اختصر الوقت لذلك عشان ما اضيع أو أضر اكسسواراتي بالشنطة احطها بهالشي واذا رجعت البيت بالليل افرغها بمكانها .. وهكذا

طيب وين الكتب !! :

بجامعتي وتحديداً بتخصصي مافي كتب كثير لأن كله أونلاين بالنت ف احتاج يمكن كتاب كتابين بالكثير وملف .. هالملف اطبع فيه المحاضرة اللي تكون عندي اليوم واحطها فيه وهكذا ..

نصائح عامة :

  • اذا شنطتك ثقيلة وعندك كتب لكل مادة جيبي معك شنطة صغيييرة بس حطي فيها البوك والجوال ونظارتك والشنطة الكبيرة خليها باللوكر وقبل كل كلاس طلعي الكتاب اللي عندك وامشي بكذا تخففين على نفسك كثير ..
  • إذا صار عندك بريك أول شي تفكرين فيه هو السؤال التالي                            ” وش وراي أشغال ؟” .., مين من الدكتورات احتاج أشوف ؟ أيش في شي مافهمته ؟ ايش عندي اوراق اطبعها ؟ .. مايصير أو شي يجي ف بالك ” فلانة وينها؟ ” ولا “البنات وين ؟” .. على الأقل اذا اجتمعتو مع بعض لايصير الكلام كله عنك وعن حياتك وحش ف خلق الله .. استفيدي من الناس لايضيع وقتك عبث الانسانة اللي لما تطلعين منها وتتذكرين وش تكلمتو فيه وتلاقين كل كلامها حش بـ حش أعرفي انها ماراح تفيدك … واتمنى ماتضرك !!  

من القلب للقلب :

في حال كنتي هالسنة انقبلتي بقولك ألف مبروك وتستاهلين بجد وافخري بنفسك لأن كثير غيرك ما سواها أو في حال كنتي طالبة مر عليك أترام بالجامعة .. بقولك حطي دراستك نصب عيونك بجد ماراح يبقى لك إلا هي ولاتخلين هدفك تكوين صداقات وشلة ( ما أقولك أقعدي لحالك ) لكن لاتتعلقين بأحد .. لاتربطين مصيرك بأحد .. أعرف بنت تغيب عن كلاساتها عشان تقعد مع صديقاتها وهم مايغيبون عشانها .. بثلاث سنوات حملت 14 مادة !! .. بعدها انفصلت عن صديقاتها وهم خريجات هالدفعة وتخصصهم لغات وترجمة وهي لسى مستوى ثالث تخصصها رياض أطفال : (

الجامعة مكان كبير بتدخلين شخص وتطلعين شخص ثاني .. أنا أكتب لك ألحين و انا خريخة أطبق هالترم .. و أتذكر كيف كنت بأول سمستر فرق السما عن الأرض …… مابي أدخل بتفاصيل حياتي لكن خليك محايدة خليك بشوشة وحبيبة مع الكل لكن مو نظام صداقة العمر ومدري ايش … باختصار خلي صداقتك مع الكل صداقة جامعة .. مو أكثر .. مابي اعطي رموز ولا أروع المستجدات بس هذي الخبرة اللي اكتسبتها ولو بقول ليه وكيف بندخل بمواضيع ثانية ..,

بالتوفيق للكل وأحبكم كثير 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

Did you find apk for android? You can find new Free Android Games and apps.

Discussion11 Comments

  1. من جد والله اهم نقطة خلي علاقتك بالبنات سطحية جداً جداً لا تخلينك كتاب مفتوح كل من جاء يقراه حافظي علئ اسرارك و مشاكلك مو كل من صار منك قريب يكون خلاص صديق حقيقي و المحاضرات زي ما قالت عجايب لا روح عليكم ولا محاضره خصوصاً البنات اللي عندهم عملي لان الجامعه مو زي المدرسه حضورك مهم مهم لا يلعبون عليك صديقاتك و يخلونك تقعدين من واقع تجربه كنت ما اترك ولا محاضره و ينادوني المصريه بس ما كنت اسمع لهم انا الحمدلله تخرجت الحين و صديقاتي 4 انطردوا لانهم ما ينجحون و حرمان عندهم و3 باقي لهم سنتين علئ التخرج و بالتوفيق للجميع

  2. ماشاء الله عليك
    وان شاء الله تتخرجين باعلى المراتب يارب
    وكلامك من القلب للقلب عن جد
    ومرحلة الجامعه شيء جمميل بالحياه واذا ماعرفنا ننجز ونستغل هذه المرحله
    نكون خسرنا فرصه لا تعوض
    مشكوره حبيبتي

  3. ماشاء الله ترتيبك وتنظيمك يشهّوني اداوم بحيوية ونشاط *قلوب*
    ربي يجزاك الف خير ويسعدك فالدارين..
    ياليت جامعة الملك فيصل تفتح نادي رياضي للصبايا!!

  4. أنا في أخر سنه ثانوي ان شاءالله إذا دخلت الجامعه ارجع أقرا هالمدونه ، كثيرر مفيده ♥♥♥♥~

  5. ❤️❤️❤️❤️ كلام عين العقل بالضبط هذي فرصه لكل وحده تدخل الكليه فرصه تنجزين لاتضيعين نفسك

    • دولاب التخزين سواء بالجامعة أو المدرسة او اي مكان ممكن يكون مجاني او تستأجرينه

  6. من شفت انو عندكم نادي بجامعتكم وانا متفطر قلبي ابي نادي بجامعتنا والحمدلله سووه بجامعه الملك فيصل بس لسى مافتحوه ع انه جاااهززز حطو الادوات الرياضيه والاجهزه متحمسه له كتير

  7. دوبي اشوف البلوق فالايميل محشور وبس جيت بقول ،، شكرا شكرا شكرا….
    ur the best

Leave A Reply