تقرير عن فرش زويفا قولدن رزو | 2 ZOEVA ROSE GOLD BRUSHES REVIEW Luxury Set Line Up

0
Want create site? Find Free WordPress Themes and plugins.

 

 

phonto (1)

zoeva

2 ZOEVA ROSE GOLD BRUSHES REVIEW LUXURY SET LINE Up 

تقرير عن فرش زويفا قولدن رزو

مـساء | صبـاح الجمال .. 

اليوم بيكون موضوعنا عن فرش زويفا .. , واللي ماتعرف زويفا هي ماركة تعتبر جديدة بعالم التجميل تأسست سنة 2008, الماركة ألمانية اسمها مشتق من كلمتين يونانية هي  ZEO وتعني حياة و الشق الثاني هو  EVA وتعني حواء ♥

الماركة صحيح جديدة لكن الآن تعتبر ركيزة من ركايز أدوات التجميل .. يعني هم اختصاصهم أكثر بأدوات التجميل وليس بمستحضرات التجميل .. مع أن عندهم مستحضرات لكن مو هي سبب شهرتهم .. طلعو أكثر بسبب إبداعهم بالأدوات وخصوصاً الفرش .. فرش زويفا بنظري ومن خلال تجربتي تنافس سيقما و ماك و ميك آب فور ايفر بالجودة .. جربت منهم النوعين اللي بالصورة اللي هو قولدن روز الزهرية والسودا .. لكن تقريري اليوم بيكون عن الزهرية فقط.

طبعاً لأن الكلام والصور بنظري ماتوصل الصورة صح قررت أصور لكم فديو للفرش يمكن من خلاله تعرفون جودة الفرش و شكلها أكثر .. ♥

أو ادخلي الرابط التالي : https://youtu.be/7tEdN5UXw0c

مواصفات المجموعة : 
  • المجموعة مكونة من 8 فرش متنوعة مابين العين والوجه
  • مقبض الفرش لونه كريمي بأندر تون زهري يعني تحسينه زهري كريمي بعدين يجي الجزأ الذهبي .. واسم الفرش مكتوب بالذهبي .. باختصار التصميم راقي وفخم جداً .
  • المجموعة تجي بشنطة جلد اللي هي بالصورة .. جداً حبيييتها ماتتصورون كيف ومن جمالها ماخزنتها زي باقي شنط الفرش اللي عندي لا .. صرت أحط فيها ميك آب الجامعة و آخذها معي الدوام بحط لكم صورتها 

rose-golden-luxury-set-vol-2-l-05

أسماء الفرش بالمجموعة : 
  • Zoeva 104 Buffer Face Brush        | زويفا 104 فرشاة كريم الأساس
  • Zoeva 109 Luxe Face Paint           | زويفا 109  الفرشة المشطوفة
  • Zoeva 126 Luxe Cheek Finish        | زويفا 126  فرشة الخدود
  • Zoeva 225 Smudger                     | فرشة 225 سميث للعين والحاجب
  • Zoeva 228 Luxe Crease                 |  فرشة 228 للجفن
  • Zoeva 234 Luxe Smoky Shader      | فرشة 234 سموكي
  • Zoeva 317 Wing Liner                   | فرشة 317 للكحل
  • Zoeva 322 Brow Line                    | فرشة 322 للحواجب
اسماء الفرش بالصور
rose-golden-luxury-set-vol-2-l-02
من اليمين لليسار :
  • فرشة Rose Golden Vol 2 226 هالفرشة متعددة الاستخدام أنا اعبي فيها حواجبي + ادمج تحت العين + أحط إضاءة بمدمع العين .. وكل وحدة وشطارتها بالنهاية بأيش تستخدم الفرشة 
  • فرشة Rose Golden Vol 2 126 استخدمها لوضع البلاشر والبرونزر 
  • فرشة Rose Golden Vol 2 109 استخدمها للكونتور البودرة
  • فرشة Rose Golden Vol 2 104 استخدمها لوضع كريم الأساس

rose-golden-luxury-set-vol-2-l-03

من اليمين لليسار: 
  • فرشة Rose Golden Vol 2 332 استخدمها لتحت العين والحواجب
  • فرشة Rose Golden Vol 2 317 استخدمها للآي لاينر
  • فرشة Rose Golden Vol 2 234 تستخدم للظل واحب احط فيها الظل الشيمري على الجفن المتحرك
  • فرشة    Rose Golden Vol 234  للدمج [دمج الآيشدو ].. واحبها للاضاءة بالمناطق الصغيرة بالوجه .

ر أيي بالفرش : 

أعطيها 9 من 10 بدون مبالغة, والسبب؟ لأن جودتها عالية جداً و سهرها معقول, يعني فرشتين من زويفا تساوي قيمة فرشة من ماك ولا سيقما .. وبالنهاية الجودة نفسها ! هالشي يعطي الأفضلية لزويفا .. ♥ 

أشوفها هدية جميلة لعروسة عندك لأن شكلها راقي و الكواليتي حقتها ممتاز وسعرها معقول .. والجميل فيها أنها متنوعة يعني شاملة لكلش .. بعض المجموعات تكون مخضضة للعين بس أو للوجه بس .. هذي متنوعة يعني تقدرين تسوين فيها لوك كامل من وجه و عين وحواجب وكحل , حتى لو كنتي مبتدئة بالمكياج وماتعرفين تاخذين فرش بنصحك تاخذين هالمجموعة ..

عيبوها : 

الفرش عطيتها 9 من 10 والسبب ؟ إن فيه فرشة من المجموعة طاح منها شعرتين أو ثلاث, علماً إني من 9 أو 10 شهور استخدمها بشكل يومي .. فطبيعي يطيح لكن من باب الأمانة حبيت أقولكم السلبيات والإيجابيات .. ♥

من وين تحصلون عليها ؟ 

تقدرون تطلبونها من موقعهم مباشرة أو تطلبونها عن طريق التاجرات زيي, المتجر اللي طلبت منه مجموعتي هو متجر  @i_pink   من انستقرام بحط لكم رابط حسابها هنا ..

أتمنى يكون البوست عجبكم واشوفكم بوستات جاية

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

Did you find apk for android? You can find new Free Android Games and apps.

Discussion

  1. حبيت التدوينه اليوم
    صغيرة وبسيطه وشامله كل التفاصيل
    أن شاء الله ناويه أجربهم
    ولون الفرش يهببببل
    وسعرها فعلاً معقول ومتناول الجميع
    والكل يمدح جودتها
    يعطيك العافيه حبيبتي
    كوني أنتِ

  2. طلبتها من بعد ماشفت تدوينتك ، مع إني ما أعرف للميك أب والفرش بس تشعت أطلبها بعد هالريفيو الجميل ،
    مرة شكراً عجآيب ♥

Leave A Reply