تجربتي مع بعض منتجات The Face Shop

4
Want create site? Find Free WordPress Themes and plugins.

 صباح | مساء الجمال

اليوم حابة أتكلم عن تجربتي مع بعض منتجات

 

The face shop

وقبل ما أبدأ  حابة أعرفكم شوية بالماركة بما أنها جديدة عندنا

الماركة كورية – منتجاتها طبيعية 100% ع حسب ماذكر بموقعها – منتجاتهم تتنوع مابين :

عناية بالبشرة

Skin care   

ماسكات | أقنعة

 MASK  

منتجات العناية بالرجل

Men’s products  

ميك آب

Make up

جسم

body

عطورات

perfumes

تنظيف

cleansing 

بالنسبة لي أكثر منتجات جربتها كانت عناية,بنظري  هالماركة تشبة ماركة

the body shop

وبصراحة بديت أميل لها أكثر , والسبب ؟ أولاً منتجاتهم خفيفة عالبشرة  وماتدبق ,ريحتها جميلة وماتضايق ,ماتسبب أي أضرار أو حساسية  لاأنها ماركة بمنتجات طبيعية , بالنسبة للمكياج عندهم ناااعم جداً وبسيط ويبان وجهك طبيعي

(طبعاً لاتقولون ماجربت مكياجهم كيف عرفت ؟ أيوا أنا ماجربته لكن أختي جربته وأشوف النتايج عليها )

الميك آب عندم يومي فرش يصلح للجامعة أو الدوام أو للمراهقات والناس اللي ماتحب تحط ميك آب كثير ..

* بالنسبة للأسعار, أسعارهم رخيصة جداً وبمتناول الجميع

نفس أسعار THE BODY SHOP  تقريباًً .

نبدأ بالمنتجات :

أولاً : 

ماسكرا

Freshian Volumizing Mascara

أول شي الماسكرا , هالماسكرا حبيتها جداً جداً خفييفة مرة وتطول الرموش وتبينها طبيعية

         من شريتها مانزلتها من شنطة الجامعة , لين نشفت وأكيد راح أرجع أشتري ثانية الفرشة فيها متعرجه

وهذا يساعد ع التطويل ومايكتل المسكرة عالرمش .

صورة توضح شكل الفرشة

ثانياً : 

Olive

غسول الوجه بخلاصة الزيتون الأخضر

نقدر نسمية المنتج الاقتصادي مقارنة حجمة بسعره نقدر نقول واااو , ثانياً ماتحتاجي تحطي كثير منه يعني شوية تكفي وتعطيك رغوة كثيرة .

الشغلة المهمة بالنسبة لهالمنتج هو أنه ما يجفف الوجه بعد استخدامه , وأيضاً مناسب لجميع أنواع البشرة .

ثالثاً :

 

Volcanic Clay Black Head Clay Nose Pack

قناع الأنف لإزالة الروؤس السودا

بالنسبة لي بشرتي دهنية وتنظيف خشمي يتعبني كثير لأني أعاني من الروؤس السودا

يعني لو أخفف عناية شوي رجعت لي الروؤس بسرعة ,بالنسبة للقناع هذا مخصص للخشم وتحديداً للروؤس السودا

شوي بحقة كلمة بيرفكت , بجد هذا المنتج صنع لأجلي ,زيه زي أي ماسك ثاني

أغسلي أنفك بموية دافية , جففيه كويس ثم حطي القناع , لما يجف شيليه وبعدين أوقفي وقفة تأمل لأيش يطلع لك :”)

بالنسبة لي استخدمه اسبوعياً وبأسوأ الأحوال استخدمه من 2-3 مرات فالأسبوع .

رابعاً :

 Lovely ME:EX Lip Care Cream Shea Butter

زبدة الشيا للعناية بالشفايف

بغض النظر عن شكلها الكيوت واللي يفتح النفس بس هذا المنتج فعلاً جميل

عندي عقدة مع منتجات العناية بالشفايف وهي “الريحة” ما أتحمل شي ريحه عطرية قوية أو كريهة

لكن هالمنتج أحب أحط منه كل شوي بسبب ريحته الجميلة :”)

ترطيبها عالي جداً ويدوم فترة جيدة ، تركيبتها كريمية وبنفس الوقت ماتضايق ولا تدبق ،منتج جميل أنصحكم فيه .

خامساً : 

Herb Day Cleansing Cream

Aloe

For All Skin Types-

كريم مرطب يومي , ترطيبه جميل وخفيف يعني مو ثقيل على البشرة , ريحته لطييييفة جداً عشان كذا ماينزل من شنطتي في الفترة الأخيرة, ترطيبة يستمر لساعتين تقريباً  | ما لاحظت فيه شي أكثر من كذا يعني أحسه يحافظ على بشرتك رطبة  بس اللي بشرتها جافة جداً  ما اعتقد أنه راح يساعدها .

سادساً : 

Herb Day Massage Cream

For All Skin Types-

كريم مساج عشبي  للوجه

حبيت هذا المنتج وكنت متحمسه له صراحة بس للأمانة ريحته تضايقني حبتين

يعني إذا كنتي من محبي كريمات المساج وحابة تجربية شمي ريحته قبل وإذا شفتيها تناسبك خذيه

الشغلة الثانية لما تحطي أي كريم مساج على وجهك تجنبي الدعك بقوة هالشي ممكن يرهل بشرتك

وحاولي تسوي مساج ومسام بشرتك مسكرة عشان الدهون ماتدخل جوا بشرتك

واحرصي على تنظيف وجهك بعد المساج عشان مايسبب لبشرتك حبوب ,عن نفسي احب امسج فيه يديني بعد التقشير وخصوصاً اللي حول اظافري بعد ما اشيل الكيوتيكلز

إذا حابين تعرفو معلومات أكثر عن هالمنتج شوفو هذا الرابط فيه  بلوقر أجنبية كاتبة رفيو  بالتفصيل عنه :

1-

http://beautifuldokidoki.blogspot.com/2013/08/review-face-shop-mugwort-herb-day.html

2-

http://diamodaisy.blogspot.com/2013/05/herb-day-massage-cream-mugwort-faceshop.html

سابعاً :

Collagen Water Moisture Lotion.

&

Collagen Toner  Moisture Lotion.

كريم مرطب بالكولاجين | الأول مرطب مائي والثاني تونر مرطب بالكولاجين أيضاً .

أول حاجة |

بغض النظر عن منتجات The face shop مهم يكون عندك

منتجات تحتوي على الكولاجين .. ليه ؟

الكولاجين هو بروتين موجود في جسمنا أساساً بنسبة 30% ومع تقدم العمر يبدا يقل انتاج الخلايا للكولاجين

تقريباً بعد سن ال20 يبدا يقل بالتالي تبدا البشرة بالتغير

يعني تبدا علامات التقدم زي التجاعيد وأيضا تقل النضارة , أيضا العرض للشمس بدون واقي يقلل من انتاج الكولاجين في البشرة .

نقص الكولاجين أيضاً  يسبب الهالات السودا لو ما كانت وراثه

و يسبب بقع الحبوب اللي ما تروح

فـ من جد الكولاجين جدا مهم للبشره .. و لازم تعرفي تحافظي عليه و تحفزيه ..كيف ؟

لما تستخدمي كريم يحتوي على الكولاجين مسجي بشرتك لأن الكولاجين موجود في الطبقات العميقة للبشرة والمساج يساعد على تحفيزه ,

هالكريمين من the face shop  يحتوون على كولاجين وهذا اللي حمسني أجربهم

أنصحكم تجربو أي كريم من أي ماركة تستخدميها فيها كولاجين .

* الكولاجين باب لحاله ماينفع أتكلم عنه بهالاختصار

راح أكتب تدوينة خاصة بالكولاجين إن شاء الله .

ثامناً : 

100% Cotton Pad

قطن طبيعي 100% ميزتها أنها زي الوسادة أو تشبه أكياس الشاي , جداً رائع ما يتنتف ولا يتقطع تنظيه جداً جميل

البوكس الواحد فيه 80 قطنة وهذا ثاني بوكس اشتريه .

Thank you 

Did you find apk for android? You can find new Free Android Games and apps.

Discussion4 Comments

  1. الله يعطيك العافيه من احسن المدونات الي شفتها ومرت علي ،، ممكن طلب صغير اتكلمي عن شراب وحبوب الكولاجين عشان الكل يستفيد ☺️

  2. شكرا جزيلا
    لاني مهتمة بمنتجاتهم بس ما قرات مراجعات موثوقة لهم فمترددة شوي
    اللي من جد اتحمست اجربه المرطب وقطع القطن

    شكرا لك مرة ثانية ^-^

Leave A Reply