hair loss solutions | علاج تساقط الشعر

5
Want create site? Find Free WordPress Themes and plugins.

أهلين بنات موضوع اليوم جداً مهم ويوتر صراحة لأن مافي بنت يصير عندها تساقط وماتشيل همه وتتوتر .. ف خلونا ندخل بالموضوع ع طول ..

*الشعر طبيعي يتساقط من 30 إلى 70 شعرة باليوم لكن إذا زاد أو استمر الموضوع ممكن نقول أن في مشكلة تساقط .

أول حاجة لازم تعرفين أن في نوعين لتساقط الشعر في تساقط دائم وفي تساقط مؤقت, التساقط الدائم يكون عادة وراثي أو بسبب الهرمونات , عادة تتلخبط الهرمونات عند المرأة في سن اليأس أو سن البلوغ لأنها مرحلة انتقالية في عمر المرأة فَ يحدث تساقط .

النوع الوراثي والهرموني يتعالج عند دكتور لأن المشكلة داخلية وتحتاج اشراف طبي ومايفيد فيها منتجات شعر إلا نادراً وياخذ  وقت .. لكن النوع المؤقت ممكن يتعالج بمنتجات عناية .

طيب , أيش يسبب تساقط الشعر المؤقت ؟

  • ارتفاع الحرارة الشديد ! .
  • الإنفلونزا وإلتهاب اللوزتين يسبب تساقط ويخف بعد الشفاء بفترة  .
  • الرجيم العشوائي بدون خبرة أو توازن بالطعام وبدون أخذ فيتامينات .
  • بعد الولادة .
  • غسل الشعر بالمياة التي تحتوي على الكلور .. عشان كذا نشوف مشاهير يستخدمو مياه نقية لشعرهم ومنهم جويل , إذا ماقدرتي توفري موية نقية لشعرك اغلي الموية قبل استخدامها عشان تتعقم .
  • القلق العصبية التوتر الصدمات النفسية والحزن .. كلها تسبب تساقط و أنا من الناس اللي تتوتر عشان كذا أحاول أسترخي وما أفكر كثير وما أعصب على تفاهات < صعب بس حاولي.
  • نقص الحديد وفقر الدم .
  • استخدام مشط بلاستيك لأنه يسبب شحنتات جاذبية فالشعر تسبب تساقطه [زي البالون لما نحكه بالشعر يسوي زي الشحنات تخلي الشعر يلزق فالبالون هذي مضرة ].
  • مشاكل الغدد زي الغدة الدرقية .
  • وضع الشامبو مباشرة على الشعر بدون تخفيف بالموية .

نصايح عامة :

  1. استخدمي مشط خشب .. وتجنبي كثرة التمشيط لأنها تتعب الشعر , والتسريح يكون من تحت وبعدين فوق عشان لو في عقد تفكينها من تحت , مو تبدين من فوق وتمزعين شعرك لو صارت فيه عقدة .
  2. خففي الشامبو بموية وثم حطيه ع شعرك , جيبي كأس وحطي شوي شامبو و الباقي موية وحطيه ع شعرك , هالحركة لاحظت أنها تخلي الشامبو يسوي رغوة أكثر وبرضو أقل ضرر .
  3.  الاستشوار يكون بعد الشاور بنص ساعة عشان يمديها مسام الفروة تتقفل .
  4. تجنبي الموية الحارة فالشاور وإذا كنتي زيي تحبين الموية الحارة قبل تطلعين اغسلي شعرك بموية باردة عشان تتقفل المسام .
  5. مهم تاخذين فيتامينات لشعرك  واحرصي يكون فيها زنك وماغنيسيوم .

منتجات استخدمتها في علاج التساقط :

1414139299022

قبل كل شي ترا هذي مو المجموعة السحرية يعني لاتتوقعين أنك بتشوفين فرق بثاني يوم .. ما حسيت بفرق إلا بثاني أسبوع وكان فرق خفيف .. الحين لي 4 شهور أستخدمها وحمدلله مبسوطة عليها مرة .. وراح استمر عليها .. حسيت أنها وقفت التساقط بنسبة 60% .. ما أبي أبالغ وأقول أنها وقفته 100% لأني راح أكون كذابة لكن كأخت أنصحكم فيها مرة وزي ماقلت لكم الفرق مابين معي بسرعة .. وهذا طبيعي لأن مافي حاجة توقف التساقط بين يوم وليلة ..

 

يلا نبدا :

1414139188184
مجموعة INDLA + شامبو Seward Mediter

 

هذي هي المجموعة اللي استخدمتها هي كورس كامل تستخدميهم سوا ما عدا الشامبو اللي لونه سماوي مو من المجموعة لكني استخدمته معها .

 

1414139263171
شامبو

هذا الشامبو تبع المجموعة .. كأنه جل سائل .. مايسوي رغوة كثير .. لأنو شامبو طبي فطبيعي مايسوي رغوة كثيرة .. لكن مو معناته أنه ما ينظف الشعر بالعكس ينظف وريحته لطيفة جحمه كبير يعني يكفيك فترة طويلة .. سعرة 93 ريال وموجود عند نزيه .

 

1414139222932
تونيك

 

هذا تونيك سائل ينحط ع فروة الشعر وهو مبلل وماتغسلين الشعر بعده .. إذا حطيتيه مسجي فروة راسك .. يقفل لك مسام الفروة بعد الشاور ويساعد الشعر الجديد على النمو .. ماني متذكره سعره بالضبط يمكن 65 ريال وبرضو عند نزيه موجود .

 

1414139149850
أنبولات الشعر

 

هذي الأنبولات برضو من نفس المجموعة عددها كثير شايفين كيف أنا مستخدمتها من زمان ولسى فيه كثير .. تحطينها على أطراف شعرك .. يعني التونيك على الفروة والأنبولات على باقي الشعر والأطراف .. فائدتها حماية للشعر من التكسر والحرارة وبرضو ماتغسلينها اذا حطيتيها و مافيها ريحة .. ريحتها خفيفة وماتبان بالشعر أول ماشميت العلبة حسيت ريحتها  غريبة لكن لما تكسرينها من جوا مافيها ريحة .. بالعكس ريحتها لطيفة .. برضو بعد الشاور تنحط مع التونيك .. وقبل الاستشوار تحطينها بعشر دقايق عشان تحمي الشعر من الحرارة .

1414139105541

شوفو شكل الأنبولات زي شكل السمكة .. تقصين الجزأ الصغير وتعصرين الزيت اللي جوا وتحطينه ع شعرك ( الزيت اللي فيها يشبه الجل لكنو سائل .. ما اعرف أوصف لكن ملمسة على الشعر فاتن ) .

برضو موجودة عند نزيه و أتوقع سعرها ب ال60 أو ال70  ريال .

استخدام المجموعة |

المجموعة تستخدم 3 مرات بالأسبوع فقط .. عشان كذا تطول معك .

1414139069287
شامبو Seward Mediter

 

هنا نشوف شامبوهين (ماعرف وشو جمع شامبو هههه ) أخذت اثنين صغار لأني مالقيت الحجم الكبير .. شريتهم لأن المجموعة اللي فوق ماتستخدم إلا 3 مرات بالأسبوع فلو حبيت أتروش باليوم اللي ما استخدم فيه المجموعة أستخدم هذول الشامبوهات .. برضو هم مخصصين لتساقط الشعر .. سعر الواحد 16 ريال وما أعرف حجم الكبير  من صيدلية وايتس وما اتوقع يوجد بمكان غرها .. بالصورة في واحد مليان وواحد فاضي .. مارميت الفاضي عشان لما  أجي أحط شامبو أحط شوي فيه والباقي أزيده مويه لأن زي ماقلت وضع الشامبو مباشرة عالشعر بدون تخفيف بالموية يضره .

 

1414139326956
فرش خشب للشعر

 

فرش البلاستيك تضر الشعر عشان كذا استخدم فرش خشب .. انتبهي من الفرش البلاستيك لأنها تسبب شحنات زي ماقلت فوق .

 

فيتامينات سترس تابس
فيتامينات سترس تابس

 

هذي هي الفيتامينات Stress tabs  اللي أستخدمتها مرة مرة بيرفكت هي للشعر والأظافر والبشرة .. طبعاً آسفة ماصورت العلبة لأني من شريتها حطيتها بالعلبة حقت الكورس عشان أنتظم عليها يوم بيوم .. *العلبة من أي صيدلية موجودة أو محلات الكماليات .. المهم الفيتامينات تستاهل تجربونها ولازم تستمرين عليها 3 شهور بعدين توقفين 3 شهور ثانية وترجعين تاخذينها أو تجربين غيرها براحتك بس الأفضل بين كل كورس فيتامينات توقفين 3 شهور وتبدين بالثاني .

*هذي صورة للعلبة حقتها من النت .

فيتامينات Stress tabs
فيتامينات Stress tabs

 

سعرها 15 ريال أخذتها من صيدلية بوتس وتلاقونها بكل الصيدليات أتوقع .

ملاحظة | البنات اللي ماعندهم نزيه بمدينتهم  ويبون أساعدهم بتوفير المجموعة يككلموني عالدايركت بانستقرام  .

الحمدلله خلصت الموضوع والله ينفعكم فيه يارب واللي تقرا موضوعي ياريت تنسخ رابط المدونة من فوق وترسله لصديقاتها وقريباتها وتنشره لأن كثير محتاجينه ويعانون من التساقط .

تعليقاتكم و أسألتكم  تسعدني .. دمتم بحب 

 

 

 

 

 

Did you find apk for android? You can find new Free Android Games and apps.

Discussion5 Comments

  1. الفيتامين Stress tabs انا جربتو ونفع معايا يمكن من بكم شهر شفت النتيجه بس كثرت شعر جسمي بشكل وصار يطلع بأماكن ماكان فيها قبل مثل الركبة ولأني كمانت ماعمري شلت شعر جسمي بس كثرتو واضطريت اشيلو 🙁 , وانا كنت اكل اقسم الحبه ما اكلها كامله يعني كل ماتذكرتها اكلت نص والنص لما اتذكرها بعدين بس حبيت اقول تجربتي معاها وشكرا عجايب صدقا استفدت منك كثييروانا من متابعاتك القديمات .

  2. الله يسعدك توني طحت ع انستقرامك ومدونتك مره استفدت الله يوفقك وانتظر جديدك دائما

Leave A Reply