عنايتي الشخصية في منطقة البكيني | My bikini care

50
Want create site? Find Free WordPress Themes and plugins.

السلام عليكم

الكتاب واضح من عنوانة , راح أدخل فالموضوع ع طول , حابة أتكلم عن عنايتي الشخصية يعني ما أقول أنا الصح لكن بعرض لكم طريقتي للي حابة تستفيد , وراح أنبه على كم شغلة .. يلا بسم الله نبدا

 

أول حاجة بتكلم عن كم شغلة مهمة بالنسبة لي  صح بسيطة  بس ما استغني عنهم ف عنايتي ,

IMG_________________6

يلا نتكلم عنهم بالتفصيل ..

     carefree intemate wash

IMG_________________5

أول شي هو غسول كير فري للمنطقة الحساسة , غسول لطيف عالبشرة مافيه صابون وهذا أهم شي بالغسولات احرصي أن مافيه صابون , هالغسول تستخدمه حتى البنت اللي مو متزوجة وأنا وحدة منهم و عااادي جداَ ومايضر, في بنات ماتغسل وتهتم باسم انها ماتزوجت وعيب ثم تهمل نفسها وإذا جت تتزوج ماتخلي منتدى ماتقرا فيه وتاخذ وصفات من أي أحد وتجيب العيد ف نفسها  , لا ياحبيبتي مافيها شي اهتمي بنفسك لنفسك مو للزوج وبس ! , المهم  (اغسلي فيه زي طريقة الوضوء يعني خارجي مو جوا ) , إذا ماحبيتيه عندك سبياميد ومنتجات كثيرة ,اغسلي فيه عادي زي ماقلت نفس الوضوء بس لاتنسين فتحة الشرج وانتهي تنتقلين من من فتحة الشرج لفتحة الفرج هالشي غلط لانك تنقلين بكتيريا الشرج للفرج وبتخلين بمشاكل عويصة ,أنا استخدمه يوم إيه ويوم لا , فيه منه بنكهات كثير عاليمين استخدمت للمنطقة الحساسة واليسار بالصبار ريحته لطيفة جداً وقوامه حلو .

*سعره 18 ومتوفر بأي صيدلية .

مناديل Freshdays اليومية 

IMG_________________2

طبعاً مو لازم تكون مناديل فرش ديز بالذات عادي أي مناديل ترتاحين لها استخدميها , طيب وش فايدتها ؟ أنا أقولك , أول شي للافرازات اليومية يعني قمتي الصبح البسي وحدة وروحي الدوام رجعتي من الدوام ارميها وبكذا تقعد ملابسك الداخلية نظيفة من الافرازات الطبيعية ومايحتاج تبدلين كل شوي , ترا مافيها شي لو لبستيها ولاهو عيب كلنا بنات وكلنا ندري فيه افرازات يعني اللي تسوي فيها يااااي أنا ما احتاج تريح عمرها , (لأن في وحدة غاثتني تقول يع قرف تشترين هالشي ) والله حبيبتي القرف أنك تدعين المثالية وتقعدين بوساختك ! 🙂

الشي الثاني اللي نفعتني هالمناديل فيه هو وقت الدورة , قبل الدورة بيوم يومين البسهم احتياط في حال نزل شي مايتوسخ كالوتي وبرضو بعد الدورة لان احيانا بعد ماتخلص دورتي ينزل شي خفيف ف ألبسها تحسباً لهالأشياء , أنا أفضل أنك تاخذين مناديل غير معطرة لان المعطرة ممكن تسبب سمار للمنطقة .

* سعرها رخيص بحدود 12-20 وبكل الصيدليات متوفرة .

كالوتات الدورة ! 

IMG_________________1

كثير مايعرفون عن هذي الكالوتات  , بنات بجد هذي نعمة وقت الدورة خفييييفة مرة ومريحة تلبسينها وترمينها اذا خلصتي تجي ف بكت واحد عددها 7 , تضمنين نظافتك وقت الدورة ونظافة ملابسك الداخلية لأنك راح ترمينها بنهاية اليوم , متوفرة بمقاسات كثير , وجداً عمليييية وقت النفاس أذكر شريت لاختي بنفاسها صارت تدعي لي , لان النفاس صعب عليها تغيير ملابسها كل شوي وتتوسخ ملابسها كثير فما تحتاج تبدل كل شوي وتغسل تستخدم هذي الكالوتات وترتاح , برضو أنا استخدمها وقت النوم مثلاً أكون حاطة كريم عالمنطقة ألبسها لانها خفيفة وماتضايقني وبرضو عشان ما اتوسخ من الكريم ويحوسني .

صورتها وهي مفتوحة عشان تشوفون شكلها وكيف خفيف القماش واقرب مايكون للمنديل المقوى .

IMG________________

* سعرها 12 ريال متوفرة بأي صيدلية .

زيت جونسون للأطفال ! 

IMG_________________4

متى استخدمه ؟ بعد ما اشيل الشعر أمسج المكان فيه عشان يترطب لأن  لو تركتي المنطقة جافة بعد ماتزيلي الشعر هالشي ممكن يسبب لك حبوب لما يطلع الشعر الجديد لان المكان جاف مرة وبرضو عشان مايسبب لك حكة لما يطلع الشعر الجديد , برضو بعد ما اشيل الشعر أحب أدلع نفسي واسوي سنفرة بزيت زيتون دافي وسكر (مو تشدين حيلك وتفركين بس تمسيج ) هالشي بيريحك كثير من مشاكل إزالة الشعر ويرطب ويفتح المكان .

PicsArt_1409616241204

مرة كنت أتكلم مع وحدة من صديقاتي اللي تدرس صيدلة (لاحظو أيش تدرس ) وكنت اشتكي من الدورة والألم بعدين قلت برب بتروش , ماتتصورون قد أيش انصدمت وقامت تهاوشني , كييييف تتروشين وقت الدورة !!  قلت والسبب ؟ قالت يدخلك برد ومو زين لك اذا خلصت الدورة تروشي , نعم !!! أنا دورتي 5 أيام أبقعد خمس أيام بدون ترويش ؟؟ وفيه بنات دورتهم اسبوع واكثر يعني ماتتروش ؟؟ لااااا بلييييز لا خلاص هالمعتقدات لازم تموت إذا ماتروشتي وقعدتي بوساختك لاتجين بعدين تقولين معي إلتهاب , والمتزوجين اللي كذا كيف ماتستحي من زوجها ؟ الترويش وقت الدورة جداً مفيد لتجديد الدورة الدموية واسترخاء الجسم , تروشي بموية دافيييية وراح تحسين براحة ونظافة , الشي الثاني اللي بشرتها تتحسس من الفوط , أول شي استخدمي فوط خاصة بالبشرة الحساسة ثانياً ف مكان التحسس واللي هو غالباً يكون بين الفخذين بسبب احتكاك الفوطة فيهم حطي فازلين خفيييف او زيت جونسون عشان تترطب ويقل التحسس , مايحتاج انبه ع مسألة النظافة وتغيير الفوط كل ساعتين حتى لو دورتك كانت خفيفة لان رطوبة ومكان مكتوم راح تتكون بكتيريا انتي ماتدرين وراح تلتهب وتتورطي .

PicsArt_1409617008320

كثير بنات تبي تفتح المنطقة تقوم تسوي اختراعات وخلطات ممكن تضرها هالمنطقة من اسمها حساسة يعني بليز بدون مغامرات ووصفات من أي مكان , بالنسبة لي استخدم كريم تفتيح وصفته لي دكتورتي لما كنت اسوي ليزر للبكيني , النتايج فعلاً أذهلتني لكن بانت النتيجة بعد شهر من الاستخدام  المستمر , عن نفسي ماحب ألعب واحط أي كريم تفتيح لكني تشجعت لانه من دكتورة وفعلاً حبيته قالت لي ينفع لأي مكان ف جسمك غامق لونه سواء وجه يدين ركب بكيني أكواع اللي تبين بشرط الاستمرار وبشرط أنك تستخدمينه فالليل (فقط فالليل ماتطلعين للشمس فيه ) ومرة واحدة يومياً

هذي صورته

IMG_________________3

تلاقونه ف صيدليات skin care  ماحصلته ف مكان غيرها لكن شوفوا لو لقيتوه ف مكان ثاني

* سعره 218

PicsArt_1409616455260

هنا بتكلم عن شيئين قريت وسمعت عنهم وهم غلط x غلط

أول شي استخدام البودرة للبكيني !! لاااا مرة غلط لانها تسبب إلتهابات للبكيني وفيه بنات تخلط كم كريم ومعهم بودرة وتحطه للتفتيح , وش هالتخبيص ؟ وبعضهم تستخدم بودرة خاصة تساعد على ازالة الشعر بسهولة من البكيني لاحتوائها على مادة التالك  ,هنا اقتبست لكم كلام صيدلانية تتكلم عن ضرر استخدام البودرة  “

مادة التالك مادة لها تأتير مسرطن في المستقبل

واضافة الى تأتيرها المسرطن فإن استخدامها في المنطقة الحساسة خطأ لأن

نفاذ البودرة الى داخل الرحم يؤدي الى تليف قناة فالوب المسبب

للعقم وممكن يسبب سرطان المبيض  ”

وممكن تستبدلي البودرة وقت إزالة الشعر ب نشا .

ثاني غلط وهو استخدام الاسكينول للبكيني بحجة التنظيف وتفتيح المكان ,لا بليييز لا ؟؟

الاسكينول قوي عالبشرة أجل كيف البكيني ؟ هذا أولاً , ثانياً الاسكينول يسبب ترهل الجلد على المدى البعيد وانتو عارفين عاد ضرر الترهل  !

PicsArt_1409617501413

هنا بتكلم عن نقطة الكثيييير للأسف مايعرفها اللي هي الوسط الحمضي والوسط القاعدي , جسم الانسان يتكون يا أما من وسط حمضي أو قاعدي , راح اضرب مثال عشان تفهمون أكثر ,

أحيانا نحس بحرقان ف المعدة وهالشي جداً جداً يضايق صح ؟ ليش نتضايق ؟ لأن معدتنا وسطها قاعدي يعني ماتتحمل الحموضة فعشان كذا ننتبه أننا مانكثر حوامض عشان معدتنا صح ولالا ؟

إذاً الوسط الحمضي والقاعدي عكس بعض يعني اذا معدتك قاعديه مايصير تاكلين حامض فهمتوني ؟

البكيني عكس المعدة لأنه وسط حمضي  🙂 معناته بيصير مشكلة لو نقصت الحموضة فيه ولو نقصت الحموضة راح يسبب إلتهاب قوي للبكيني وراح تجي افرازات صفرا وممكن خضرا كمان ! أو تكون ريحة الافرازات كريهه , طيب أيش يسبب نقص الحوضه فالبكيني ؟

ياحبيباتي اللي ينقص الحموضه هو الصابون ! 

كثير بنات تحسب الصابون نظافة أذكر وحدة قالت أنا الحمدلله ما أغسل إلا بصابون وفرحانة مسكينة والله بعد فترة ترقدت فالمستشفى لشدة الإلتهاب , كل ماحسيتي بالتهاب وتغير لون الافرازات وريحتها أو كميتها صارت كثيرة جيبي موية وملح أو مويه وشوي خل لأنهم حوامض واغسلي فيهم البكيني , بتلاحظين النتيجة بسرعة *بنات موتجلسون فالبانيو وتحطون فيه ملح لا مويه وملح واغسلي فيهم مو نقعي نفسك فيهم عرفتو ؟

PicsArt_1409617231770

آخر شي في هالتدوينة بتكلم عن كذا نقطة عامة ,

1-الكالوتات تتغير يومياً يابنات وهالشي عارفينه الكبار لكن يمكن بنت صغيرة تقرا تدوينتي فلازم انبهها.

2- احرصي تاخذين كالوتات قطن 100%  لان القطن يمتص الرطوبة والعرق بالتالي ماتتكون بكتيريا .

3-  أمواس الحلاقة , لاتستخدمين أمواس حلاقة رجالية اشتري نسائية لان الرجالية تجي قوية وتسبب حكة وتهيج فالبشرة تجي ألوانها زهري أو أسألي الصيدلي .

4-بعد استخدام التواليت نشفي المنطقة زين زين زين الرطوبة مو زينة لأن المكان مكتوم زي ماقلنا فالبتالي يساعد على تكاثر الفطريات والبكتيريا .

5-لاتنسي تلبسي مناديل كير فري قبل تروحين للسوق او جامعة أو مكان فيه مشي لأن المشي يسبب تعرق وزي ماقلنا مانبي رطوبة .

أتمنى يكون البوست مفيد وأذكركم ترا  أنا أكتب طريقتي الشخصية وكل وحدة لها طريقتها مو لازم أنا الصح واحنا نستفيد من بعض .

دمتم بحب 

Did you find apk for android? You can find new Free Android Games and apps.

Discussion50 Comments

  1. تسلم يدك استفدت من كلامك وخصوصاً كريم التفتيح بجربه وان شاءالله خير :*

    • الله يعطيك العافيه عجايب ولا يضيع لك تعب يارب .
      انا نفس خطواتك تقريبا الا كلوت الدوره ماقد جربته بس ان شاءالله بجيبه .
      بس فيه نقطه بقولها :
      كنت اروح لدكتورة نسا ورحت جلديه اثنينهم قالو تقدرين تستخدمين صابون مو معطر وخالي من التصبغات ع المنطقه الحساسه يعني مايضر
      بس لو كان معطر او ديتول والانواع هذي بتكون مضره لان الديتول كثير يستخدمونه وهو يقتل بعض الجراثيم النافعه .
      وبس حبيت انقل كلام الدكاتره الي رحت لهم .
      شكرا

  2. لا لازم يكون من الفرج اول بعدين الشرج .. الفرج يتأثر لو غسلتيه بعد الشرج لان مانبي تجيه بكتيريا الشرج عرفتي و ممكن يسبب له إلتهاب ألخ .. لكن الشرج ما يتاثر لو غسلتيه بعد الفرج عادي فقصدي يوم قلت زي الوضوء انو من الفرج بعدين الشرج هههههههه شرج فرج حوسة

  3. مدونتك مفيده وجميلخ،،من فضلك احكيلنا تجربتك مع الليزر للمنطقه الحساسه واذا انت بالرياض اي مركز استفدني معاه،،اذا ذكرتيها مسبقا عطيني خبر وراح ابحث عنها سواء بانستقرام او بمدونتك وشكراً جزيلاً فادتني تدوينه من يمتلك من،،مع ان سبق وقريت بالموضوع بس بعد استفدت

  4. يديكي العافيه اذا ممكن تتكلمي عن مو ضوع كيف تهتم البنت اللي بعمر البلوغ 13 سنه مثلا بهذي المنطقه من ناحية ازالة الشعر …اختى بهذا السن ومحتاره كيف اعلمها خايفه اعلمها عالموس ويسبب لها سواد وتجي وقت الزواج تدور خلطات ههههه ما بغاها تعاني وطبعا الحلاوه صعب …هل في طريقه بالموس ماتسبب مشاكل

    • أهلا نورتي البلوق وشكرا لكلامك العسل ..
      بخصوص أختك يفضل أنها بالبدايه ماتحلق .. لما تحس انو خلاص ماينفع القص تبدا تحلق وتصير ترطب بعد الحلق بزيت وتتجنب المرطبات العطرية عشان ماتنشف وتجف المنطقة بالتالي تستمر
      .. وانصحها تسوي ليزر اذا صارت 18 .. وسلمي عليها

  5. شئ تاني بالنسبه للبودره هل تقصدي حقت الاطفال زي جونسون مضره بالرحم … ويوجد بودره من ماركة فام فريش خاليه من التالك او المعدن ..مدمنه عليها…ماطيق الرطوبه وفعلا لقيت نتيجه ايجابيه من ناحية الاسمرار
    جزاكي الله كل الخير

    • أذا كانت البودرة مافيها التالك عادي استخدميها .. والمناديل اليومية زي كير فري تحل مكانها وآمنة .. خذي للبشرة الحساسة عشان ماتجي معطرة .. الله يسعدك نورتي

  6. ياربي يسعدك ويوفقك دنيا واخره على هالمدونه الرائعة .. ♡

    ياريت تكتبلنا باقرب وقت
    عن الصدر وطرق الاهتمام
    ومن ناحية التصغير والتكبير وخصوصا التكبير .. :’)

    وشكرا لك حبيبتي

  7. ربي يسعدك ع التدوينه الجميله زيك بس انا استخدم اسكينول الليمون مره بالاسبوع امسح فيه خط البكيني هل ها خطا ؟

  8. السلام عليكم كيف الحال؟؟
    كريم التفتيح اللي كتبتي عنه اقدر احطه ع المنطقه الحساسه كلها بس الخارج ولا اقدر حتى جوا؟؟

  9. الله يسعدك ويكتب أجرك ، مشكوره ع النصايح ، أنا تقريباً أسوي نفسك ، بس أشيل المنطقه بحلاو ،فما أدري تنصحيني أكمل وإلا ؟

    • الحلاوة لها طريقة خاصة انك تنامين على ظهرك وانتي تسوينها اعرف انه صعب بس هي كذا عشان ماتترهل المنطقة ، الحلاوة على المدى البعيد ترهل

  10. ماشاء الله تدوينه جميلة تفتح النفس وانا اطبق اللي تقولينه من ناحية الفوط اليومية جدا جميلة ومهمة وايضا الغسول لكن مفكرة. اغير كيرفري
    بس فيه نقطة مدري ماتفق معاك فيها كيف بودرة التالك مسرطنة وفيه انواع تالك تستخدم للاطفال!!
    ةاكيد اللي تستخدم شي للمنطقة تنتبه مادخل شي جوال الاستخدام خارجي فقققط

  11. اعجبني الكريم بس فيه واحد نفسه يصلح للمنطقه الحساسه ويكون سعره ارخص ياليت تخبريننا. ألف شكر لك ❤️

  12. مرحبا ممكن توضحين طريقة لشد هالمنطقة اقصد الشد الخارجي والداخلي كمان اذا ممكن؟؟؟

  13. يُسرِيّة'

    موضوع متكامل ومنعش.. بس ابغى اضيف معلومه يمكن تفيدكم بالنسبه لألام الدورة الشريرة : مسجي بطنك عكس عقارب الساعه بزيت زيتون دافي مع زنجبيل بودره، والنتيجه راااحه فورية>من قلب الحدث ترا ههه.. وسلامتكم

  14. مشكورة حبيبتي على الموضوع غطيتي كل الجوانب.
    بس عندي ملاحظة اسلوبك حليو بس احس فيه شوي تهجم,ممكن اللي مو متعود على مدونتك يستغرب او يتضايق , مثلي !

  15. ماشا الله تبارك الله موظوع رائع وحساس. ابدعتي في طرحه بس حبيت استفسر منكي عن مخدر للمنطقه البكيني لليزر ياليت تفيديني في ذلك .

    • اهلاً ما احس يحتاج مخدر لليزر لكن اذا تحسين بألم شديد قولي للي تسوي لك تكثر جل قبل ماتبدا الجل اللي يحطونه يخفف

  16. اولا شكرا على معلوماتك القيمة ،ثانيا ابسالك عن كلوتات الدورة لما البسها البس فوقها كلوت عادي والا هي خلاص تغني عنه ،لان عجبتني وراح اشتريها ،وشكرا لك مرا ثانية ♥

  17. الله يسعد قلبك انتي من اسمك عجايب ❤️❤️ مرررا تدويناتك تعجبني وجاري التجربه ..
    بس بسألك حبيبتي عندي سترتش ماركس بأسفل المؤخره وكمان بالوسط جايه زي الخفسه وسيلولايت كيف ابعدها مع العلم اعمل سكوان

  18. الله يجزاج خير عجايب
    حبيت اسأل عن زيت اللوز المر
    لو تم استخدامه بقطنه وتمريرها على المنطقة
    والبظر .. ممكن تفتحها ؟

  19. مشاء الله عليك فعلا تنصحين من قلب حبيييت نصايحك ومدونتك فعلا اول مرا اعلق ع الاشياء لان فعلن مفيييييييييييد دمتى عزيزتي

  20. الافرازات شي طبيعي وتدل على صحة المنطقة لكن اذا تغير لونها او ريحتها فهي التهاب وحسب شدة الريحة واللون يكون الالتهاب قوي او خفيف ، شوفي نوع الافرازات ولو صارت التهاب اتبعي الخطوات اللي ذكرتها بالبلوق وماعليك الا العافية ❤️

  21. للأمانة فتحها كثير ، انا بالرياض مو بجدة لكن فيه بنات تسوي ليزر وماترطب ابداً بالتالي بتسمر ، لان الليزر يجفف شوي

  22. مساء الخير ،
    كلامك واسلوبك جداً جميل
    وتكلمتي عن موضوع حساس اشكرك ع هالشيء
    بغيت اسألك ايش الصيدليه اللي شريتي منها كريم التفتيح
    انا بالرياض ، دورته بكذا صيدليه ومالقيته
    ياليت تفيديني ايش اسم الصيدليه !

  23. يسلموووو ايديكي .. بس معلش انا بعد الحلاقه بطلعلي حب وبتصير حكه .. بكفي زيت جونسون للاطفال ولا احط شي تاني .. ازا عندك فكرة عن السودو كريم و ازا بنفع !! تعبت من هالموضوع يعني لو حطيت جل حلاقه وحلقت ب فينوس اتوقع هيك اسمها وبعدين زيت جونسون للاطفال وبعدين استخدمت كريم التفتيح الي زكرتي فوق .. بضمن انه ما تطلع حبوب وحكه !! ولا في شي بتنصحيني فيه .. ساعديني

  24. حابه اسألك عن الكريم اقدر استخدمو من تحت المنطقه الحساسه سطحي !

  25. جميييل كلامك جداً ومدونك مرره مفيدة الله جزاك خير ❤
    وليت تضفين للبنات من ضمن العنايه يستخدمون مسك الأسود ” الطهارة ” من عبدالصمد القرشي لأنه هو الاصلي يستخدمنه بعد الدورة تنسين بعد إستخدامه الحكه والإفرازات الزيادة وهي إتباع لسنه النبي محمد صلى الله عليه وسلم ❤

    فيه كم سؤال حابه أسئلك إيـها وإن شاءالله ألقى عندك الجواب لانهم محيريني ما أعرف أحد عنده خبرة مثلك ما شاءالله ممكن يفيدني

    الفوط اليومية أنا أحب ألبسها طول اليوم >> أغيرها طبعاً بس فكرة ما أحب أجلس من غيرها ،، هل صدق راح تكتم المنطقة وتودي إلى الإسميرار ؟

    أنا أستخدم غسول سيتاروز ومخليته مره بلأسبوع أخاف إذا كثرته يضرني وأنا بنوته .. كثير بنات يقلون أنهم يستخدمنه مرتين وأنا محتارة ؟ وعندي سؤال ثاني فضولي المتزوجه كم مره المفروض تستخدم الغسول واستخدامها يكون قبل أو بعد العلاقة ؟

    وسبراي فيم فرش حيبت استخدمه ومخليته مره بأسبوع لأن اخاف الصراحه أكثر من استخدامه وقالوا بنات انه يسمر عندك عنه اي خلفيه ؟

    الترطيب الي تقصدينه بعد اليزر هو زيت الزيتون مع سكر يرطب المنطقة ،،

    ونتائج كريم التفتح تكون بس مع الإستمرار يعني لو تركته يرجع اللون ؟

  26. قتحتي مداركي لهذا الموضوع كنت أجهل نقاط مهمه حبيت دقتك بالنظافة الي بعض الناس يشوفونها مجرد عادات مالها قيمة جاهلين انها أمور مستقبلية ولحياة منظمة وصحية أتمنى تنتشر ثقافة العناية الصحيحة بذات ذا الموضوع قاعدة أستفيد منك كثير الله يعطيك على قد مساعدتك للبنات

  27. ان حلم كل سيدة ان تجد بيتها نظيف ومرتب ومميز عن الجميع وبكون جذاب وذو رائحة خلابة وجذابة فاذا كنتى تحلمين بذلك فسوف تجدية فقط من خلال شركتنا شركة تنظيف بالاحساءفنحن فى شركتنا نتولى كافة انواع التنظيف فنقوم بتنظيف الكنب والمجالس والانتريهات والصالونات من خلال شركة تنظيف كنب بالاحساء وشركة تنظيف مجالس بالاحساء ونقوم ايضا بتنظيف جميع الشقق والمنازل والفلل وذلك يتم ايضا من خلال شركة تنظيف منازل بالاحساءوشركة تنظيف فلل بالاحساء وشركة تنظيف شقق بالاحساءووليس ذلك فقط بل نقوم بعمل كشف تسربات المياه ومعالجة التسرب فى الحال باقل التكاليف وذلك يتم من خلال فرع شركتنا شركة كشف تسربات المياه بالاحساء اما الحشرات فهى من اخطر ما يمكن ان يتواجد فى المنزل وخصوصا المنازل التى يتواجد بها اطفال ولاننا نعرف مدى الخطوره التى يمكن ان تصيبكم فخصصنا فرع من شركتنا خصوصا لمكافحة الحشرات ورش المبيدات وهو شركة مكافحة حشرات بالاحساءوشركة رش مبيدات بالاحساء ولدينا ايضا اختصاصات الاخرى كالتالى شركة عزل اسطح بالاحساء وشركة عزل خزانات بالاحساء
    للاستفسار وطلب الخدمة جوال رقم 0558973863

Leave A Reply